Tonstad Bakeri – handverk og tradisjon sidan 1936

Kven er me?
Me heiter Dagny Irene og Petter Tonstad-Torsteinbø, og driv Tonstad Bakeri – eit handverksbakeri med djupe røter i Sirdal. Familien vår har baka på Tonstad sidan 1936, og me er stolte av å føre tradisjonen vidare som tredje generasjon bak disken.

Kva tilbyr me?
Me lagar brød, kavring, kaker, smørbrød, lunsjmat og kaffimat – alt frå botnen, med gode råvarer og ekte handverk. Her får du både klassikarar og nye favorittar. Me har òg kaffi, is-bu med kuleis, slush og shave-is – og eit breitt utval av kalde og varme drikker. For dei med allergiar tilbyr me både glutenfrie og mjølkefrie alternativ.

Kor finn du oss?
Du finn oss midt i Tonstad sentrum – i ein koseleg butikk med vinterhage og eit stort uteområde med heile 150 sitjeplassar. Perfekt for ein pause i sola eller ei roleg stund med noko godt i koppen.

Litt historie
Oppskriftene våre går heilt tilbake til tidleg på 1900-talet, og me bakar framleis som me alltid har gjort – med gjærdeig, mørdeig og surdeig. Utvalet vårt passar både tilreisande og fastbuande, og me leverer daglegvarer til butikkar over heile Sirdal.

Velkomen innom!
Stikk gjerne innom for ein prat og noko godt å bite i – eller bestill på førehand om du vil vera trygg på å få favoritten din. Følg oss på Facebook og Instagram: @tonstadbakeri for daglege oppdateringar og innblikk i kvardagen vår.